Guktie mubpiengïelem mij evtiedimmesne gïelesturremijstie joekehtidh?

Man åvteste dååjrebe naan maanah jïh noerh gelliengïeleldh maadtojne dan muevies gïelemaehtelesvoeth utnieh guktie gåarede dam DLD:ine toelhkestidh?

Last updated: 31. March 2026 13:22

Tema:

Gïelesturreme evtiedimmesne (DLD)

aahta geerve årrodh gelliengïeleldh maanah jïh noerh lïeremetsagkesigujmie identifiseeredh – joekoen tsagkesh gïeline jïh lohkeminie.

Gelliengïeleldh maanah jïh noerh gïelh seammalaakan evtiedieh goh aktengïeleldh, jïh gellie gïelh lïeredh ij leah heaptojne hijven gïelemaehtelesvoeth evtiedidh. Aervede medtie seamma stoerre prosentelåhkoe gelliengïeleldh maanah jïh noerh goh aktengïeleldh, ovmessie lïeremetsagkesh utnieh. Læjhkan jienebh gelliengïeleldh learohkh identifiseerie, mah seapan sjïerepedagogeles daerpiesvoeth utnieh.

BÅAJHTOELAAKAN TOELHKESTE: Dan gaavhtan geerve joekehtidh muevies daaroen maehtelesvoeti jïh DLD: en gaskem, dle daamtaj gelliengïeleldh maanaj gïelehaestemh båajhtoelaakan toelhkeste.

Mubpiengïele mij evtiedimmesne maahta DLD:ine vååjnedh

Joekoen geerve joekehtidh gelliengïeleldh maanaj gaskem mah aareh sijjen daaroengïeleldh evtiedimmesne, jïh dah mah DLD:em utnieh. Gåabpegi veajkoej doh daaroen gïelemaehtelesvoeth sijhtieh vuesiehtidh

viesjies baakoeveahka
muevies sojjehtimmiehammoeh
fiejlieh raajesetseegkemisnie

Gïelemaehtelesvoeth maehtieh aaj vielie muevies årrodh, goh veanhtadamme aalteren mietie. Dan gaavhtan aaj geerve daejredh gåessie gelliengïeleldh evtiedimmie ij leah sïejhme.

Aktengïeleldh viertiestimmievåarome åtnasåvva

 Jïjnjh gelliengïeleldh maanah hïejmine byjjenieh gusnie daaroen ij leah åejviegïele. Dah jieniebinie gïeline gaskesedtieh, jïh jalhts maehtieh gïelh seamma jïjnjem dååjredh tjåanghkan goh aktengïeleldh maanah, dle fïerhtem gïelem vaenebe dååjroeh. Dan gaavhtan daamtaj dah vaenebe maehtieh fïerhtene gïelesne jis dejtie akti akti vuarjesje, jïh aktengïeleldh maanajgujmie vierteste mah seamma aalterisnie.

Gosse gelliengïeleldh maanah jïh noerh mubpiengïelesne goerehtalla, dle sæjhta vuejnedh dah nåekebe illedahkh åadtjoeh aktengïeleldh maanijste jïh noerijste dåehkienjieptjesne.

Jis ij lïerehtimmiegïelem haalvoeh, dle maahta vaenebe nåhtoem lïerehtimmeste åadtjodh

Jalhts jïjnjh gelliengïeleldh maanah jïh noerh varki hijvenlaakan soptsestieh jïh vihkielommes grammatihkem lierieh, dle gellie, hijven jïh jeereldihkie gïeleldh dååjrehtimmieh daerpies ihke gïelem dan hijvenlaakan lïeredh guktie maahta dam nuhtjedh orre daajroem vejtiestidh. Aelhkie fer vaenie ååktedh man guhkiem daate rïektesisnie vaasa.

Jis lïerehtimmie mubpiengïelesne, jallh aktene gïelesne maam learohke ij dan hijvenlaakan haalvoeh annje, dle maahta vaenebe nåhtoem lïerehtimmeste åadtjodh. Maahta faatoes lïeremenåhtoem båajhtoehlaakan toelhkestidh goh sjïerepedagogeles daerpiesvoeth, jïh tïjje doekoe individuelle sjïehteladteme lïerehtimmie maahta daerpies årrodh.

 Dan stoerre variasjovnen gaavhtan gelliengïeleldh learohki gaskem, dovne gosse gïelemaehtelesvoeti jïh lïeremenåhtoen bïjre, dle daerpies maahtoem skuvlesysteemesne utnedh dovne mubpiengïeleevtiedimmien jïh sjïerepedagogeles daerpiesvoeti bïjre.

Daerpies gaajhkine gïeline goerehtalledh

Dan gaavhtan geerve joekehtidh muevies daaroen maehtelesvoeti jïh DLD:en gaskem, dle daamtaj gelliengïeleldh maanaj gïelehaestemh båajhtoehlaakan toelhkeste. Goerehtallemedïrregh mah edtjieh daaroen maehtelesvoeth goerehtidh, eah leah sjïehtedamme gelliengïeleldh maanide, jïh maehtieh båajhtoeh illedahkem vuesiehtidh

Dan åvteste goerehtalleme gelliengïeleldh maanijste joekehtadta aktengïeleldh maanijste. Daesnie maahtah vielie lohkedh guktie edtjh gelliengïeleldh maanah jïh noerh goerehtalledh.

Usikker på noe?

Statpeds spør oss-tjeneste er et lavterskeltilbud for deg som trenger råd om spesialpedagogikk. Vi snakker mest med folk i PP-tjenesten, men barnehager, skoler og andre kan også ta kontakt. Er du foresatt og lurer på hvordan støttesystemet fungerer, hjelper vi deg gjerne.

Spør oss