Dïejvesegoerkese
Baakoegåårkese lea digitale goerehtimmie gaskeviermesne. Destie maahta daejredh guktie maana baakoeh guarkoe. Numhtie åadtjobe daejredh guktie edtjebe baakoej gujmie barkedh dovne maanagïertesne jïh skuvlesne.
Dïejvesegoerkese
Digitale goerehtimmie gaskeviermesne, maanagïertesne jïh skuvlesne
Illedahke dallegh vååjnoe gosse maana lea gaervies. Illedahkh goerehtallemistie vaestiedassh vedtieh mej dïejvesigujmie sæjhta maereles årrodh vielie barkedh, dovne maanagïertesne jïh skuvlesne. Dïejvesh funksjonelle sjidtieh, sïejhme dorjesuvvieh jïh maahta dejtie orre tsiehkide jïh orre haestiemidie sertedh aarkebiejjien jïh dejnie joekehts faagine.
Dovne maanagïertesne jïh skuvlesne unnebe dåehkieh juvnehtibie gosse goerehtallemem tjïrrehte, gaskem 8-10 maanah. Mijjieh aaj juvnehtibie 2 almetjh leah stïeresne, jïh akte dejstie goerehtallemem reerie, mearan dïhte mubpie vïhtesje jïh dåarjoem vadta. (V.g. maanide viehkehte reaktoe sæjroem gaavnedh).
Tïjjemierie sæjhta årrodh medtie 20-30 minudth. Doh voestes golme laavenjassh leah haarjanimmielaavenjassh, jïh vihkeles astedh haarjanimmielaavenjasside tjïrrehtidh jïh gïehtjedidh. Daate dorjesåvva dan åvteste maana edtja jearsoe domtedh maam edtja darjodh.
Aelkieh fïerhtem orre sæjroem gosse jeahtah: „Daelie edtjh don sæjrose vuartasjidh mij guvviem aktede xxxx åtna bijjemes“. Nuhtjh dan jïjnjem gåarede maanaj biejjieladtje gïeleste/smaaregïeleste gosse bïhkedimmieraajesidie lohkh. Fïerhten laavenjassese akte nommere jïh kategorije leah soptsesovveme. Dejtie edtja nuhtjedh skååremisnie jïh eah edtjh lohkesovvedh.
Åasa, bæjhkoehtæjja
Dah goerh leah namhtah saemiej institusjovnide (seedth e-påastem diekie gosse institusjovnem tseegkh: [email protected]). Tjoerh lisensem maeksedh fïerhten jaepien åtnoen åvteste portaaleste.
Saemen sjïerepedagogeles dåarjoe (SEAD) jïh Info Vest Forlag.
Relaterte ressurser
Bo Ege – Gïeleldh Teestese
Gïeleldh Teestese lea aelhkies screeninge-goerehtimmie gusnie smaave dajvesne maanan biejjieladtje baakoevåarhkosne vååksje.
Saemien impressive morfologeles teeste (SIM)
Pedagoge maahta goerehtimmieteestine SIM saemien gïelem gïehtjedidh jïh guktie saemiengïeleldh maanah grammatihken vuekieh …
Daajehtselïereme – Bïhkedimmie strukturelle daajehtselïeremen bïjre maanide jïh learoehkidie
Bïhkedimmesne tjïelkeste guktie maahta systeemen mietie barkedh daajehtselïereminie, dovne maanagïertesne jïh skuvlesne.