Til hovedinnhold

6-16 jahkásaččaid giella davvisámegillii/nordsamisk

6-16 jahkásaččaid giella lea skrineneteasta mainna iská gaskal 6 ja 16 jahkásaš mánáid ja nuoraid giellaváttisvuođaid. Skrinen lea dat álkimus ja jođáneamus vuohki identifiseret mánáid geat dárbbašit viidáseappot gielalaš kártemii.

Forside 6-16
  1. Kategori: Språk/tale, Lese- og skrivevansker, Småtrinnet (1.-4.), Mellomtrinnet (5.-7.), Kartleggingsmateriell, Nordsamisk
  2. Språk: Davvisámegiella
  3. Format: Manuála ja oahppigihpa
  4. Utvikler: Ernst Ottem ja Jørgen Frost leaba buvttadan Språk 6-16 dárogillii. Anne Dagmar Biti Mikalsen, Tor Persen ja Kirsten Wirkola leat heivehan skrinenteastta davvisámegillii.

Les omtale av 6-16 jahkásaččaid giella på norsk her.

6-16 jahkásaččaid giella ii leat dohkálaš ávnnas mearridit diagnosa. Teastta gáržžiduvvon viidodaga vuođul ii sáhte geassit dárkilis konklušuvnnaid oahppi gielalaš nanusvuođas dahje rašisvuođas. 6-16 jahkásaččaid giella sáhttá, ja berre, geavahuvvot álgofuomášeaddjin dasa ahte berre go oahppi čielggaduvvot viidáseappot.

6-16 jahkásaččaid giella sáhttá addit ávkkálaš dieđuid olbmuide geat barget ohppiiguin geat dárbbašit earenoamáš veahki. Dat sáhttet leat juogo logopedat, psykologat, earenoamášoahpaheaddjit, oahpaheaddjit ja eará fágajoavkkut. Sii geat teastta galget hálddašit, berrejit leat hájánan čađahit standardiserejuvvon teasttaid. Dat mearkkaša ahte ferte áddet teastta ulbmila ja diehtit mo teastabohtosiid galgá geavahit.

6-16 jahkásaččaid giella vuolggabáiki lea ahte lea oktavuohta gielalaš oanehisáiggi muittus ja nákca ráhkadit gielalaš doahpagiid.Viidáset jáhkit mii ahte máná fonologalaš diđolašvuođa ovdáneapmi, sin grammatihkalaš ovdáneapmi ja sin lohkan ovdáneapmi dáhpáhuvvá dego ovttasdoaibma gaskkal bargomuittu ja sátneovdáneami. Dát jáhkku hukse vuođu go galgá árvvoštallat teastta validitehta.

Teastta organiseren

6-16 jahkásaččaid giella iská

  • oanehisáiggemuittu oasseteasttain Sátnegealda.
  • gielalaš doahpagiid ovdáneapmi iskojuvvo guvttiin oasseteasttain, namalassi: Vuostálasvuođat ja Sátnemáhttu
  • gielalaš muittu ja doabaovdáneami oasseteasttain Cealkkamuitu

Dat njeallje oasseteastta čájehit buoremusat earuhusaid gaskkal mánáid geain leat giellaváttisvuođat ja geain eai leat giellaváttisvuođat.

Lassi teasttat 6-16 jahkásaččaid giella leat

  • Lohkanleaktu, go ii válde vuhtii oahppi lohkanleavttu, muhto eanet dan ahte oahppis leat stuorra erohusat gaskkal giellagálggaid ja lohkanleavttu.
  • Grammatihkka - mánát geat skorejit vuollel gaskameari dán oasseteasttas, sáhttet vásihit váttisvuođaid báhkkodit njálmmálažžat ja čálalažžat, ja sis sáhttet maid leat váttisvuođat lohkánáddejumiin.