IPCA- åtsådimræjddo sijá hárráj gudi ednagit rahtji guládallamijn
- Språk: Lulesamisk
- Format: PDF
- Utgiver: Oversatt og tilrettelagt av Solvår Knutsen Turi, Samisk spesialpedagogisk støtte (SEAD) og Statped, 2024.
- Forfatter: Jeff Sigafoos
Loga IPCA birra davvisámegillii.
Lohkedh ållermeathedh IPCA åarjelsaemïengiele.
IPCA la åtsådimræjddo åvdemusát sijáj hárráj gudi ednagit rahtji guládallamijn, ja gudi ienemusát guládalli rubmaha jali åvddågielak vuogij baktu. Dájna ihkap aj hiehpá åtsådit ulmutjijt gudi dádjadi ja ihkap ietja adni muhtem bágojt jali symbåvlåjt. IPCA hiehpá sihke mánájda, nuorajda ja ållessjattugijda árra åvddånimdásijn. Gåvvit ulmutja iesjguhtiklágásj guládallamvuogijt. Dákkir åtsådibme máhttá diedulattjan dahkat nágin ulmutja moatte javllamvuogijt ja mij javladuvvá. Navti vas lahkaulmutja ienep muodugasj láhkáj suv dålkkuji ja sunji vásstedi, mij vas máhttá suv javllamusájt nannit.
Skåven li 53 gatjálvisá 10 slájajda juogeduvvam, åvddånbuktema/javllamusá funksjåvnå milta juogeduvvam.
Gudi máhtti adnet IPCA
Ælla makkirak formála gájbbádusá, valla sån guhti galggá åtsådimræjdov adnet bierri dåbddåm suv gev åtsåt binnemusát 6 máno. Dat máhttá hiehpat åhpadiddjijda, PP-rádevaddijda, psykolåvgåjda, logopedajda, suodjalimsujttárijda, fysioterapevtajda, ergoterapevtajda ja æjgádijda. Ajtu l vuogas jus sån guhti dievddemav jådet la hárjjánam ja máhttá åvddågiela guládallama birra.