Opplæring i bruk av lese-TV
Ressursen hjelper eleven og deg med opplæring i å bruke lese-TV. Han består av ein lærarrettleiar og eit arbeidshefte, og opplæringa er lagt opp som ei reise med ulike stopp og aktivitetar. Ressursen er utvikla for elevar i grunnskolen, med eit eige kapittel for barnehagen.
Meir om ressursen
Rettleiaren Opplæring i bruk av lese-TV hjelper eleven og deg med opplæringa i å bruke lese-TV. Ressursen er enkel å ta i bruk og krev lite forarbeid.
Han kan brukast både som opplæring og som støtte i synspedagogisk rettleiing. Aktivitetane kan tilpassast nivået, motivasjonen, uthaldet og synsfunksjonen til eleven. Kartleggingsdelen kan brukast til å dokumentere progresjon og vurdere behov for vidare tiltak.
Ressursen er laga for lærarar i barnehage, barneskole og ungdomsskole som underviser elevar med nedsett syn, der eleven skal lære seg å bruke lese-TV.
Rettleiaren består av ein lærarrettleiar og eit arbeidshefte.
I lærarrettleiaren får du tips om
- plassering av lese-TV-en
- grunnleggande ferdigheiter i bruk
- trening i sporing
- bruk til lesing og skriving
- praktiske aktivitetar
- kartleggingsverktøy
I arbeidsheftet finn du aktivitetar som skal skrivast ut til bruk saman med eleven gjennom ekspedisjonen.
Last ned materiell
NB! Skriv ut arbeidsheftet einsidig og i fargar.