EYMSC – Early Years Movement Skills Checklist julevsámegillii/lulesamisk

EYMSC sisadná 23 bæjválasj dåjmalasj barggamusá juogeduvvam nielje kategorijjaj. Tjuovvovasj doajmmasuorge árvustaláduvvi:

1. Máhtudahka iesjrijbadibmáj (6 dåjma): nuoladit ja gárvvunit, boalojt boalodit, bastijn ja gáffilijn bårråt, giedajt basádit.
2. Fijnamotorihkalasj máhtudahka (5 dåjma): Smávva diŋgatjij juonaldit, kopierim ja manuálalasj máhtudahka, máhttet girjijt sláddit, bieskedit, muodugahttet/modellajt dahkat.
3. Dábálasj máhtudahka juohkusin (5 dåjma): Tjåhkkåjimstajgugisvuohta, diŋgajt guoddet, lanján labudit váj ij ulmutjijda jali diŋgajda guoska, stivrrit goabbelij galggá.
4. Máhtudahka asstoájgen/ståhkamsaljon (7 dåjma): Gåktu ståhkamsaljo ståhkusijt adná, bállotjehpudahka, labudit iesjgudikláhkáj – viehkat, gahppat, starjjat.

Da li máná bæjválasj barggamusá/dåjma mánájgárden ja danen la guoradallamlissta ávkálasj indikahtor majna máhtá árvustallat gåktu mánná rijbat ja buktá adnet ietjas vejulasj tjehpudagáv dan prosessan hiebadit birrasij gájbbádusájda.
Gå barggamusá li juogeduvvam kategorijjajda, de dat dahká vejulattjan identifisierit suorgijt majt mánná váttesvuohtan váset. De máhtá dárkkelappo árvustallat vejulasj váttesvuodajt, ja álgadit ávkálasj ja ulmmelasj dåjmajt ma mánnáj båhti ávkken.

Guoradallamlissta l dagádum dan láhkáj váj máhtá mujto milta dievddet jus duodaj mujtá gåktu mánná barggamusáv tjadát, jali máhtá mánáv guhkes ájge badjel dárkustit åvddål gå guoradallamlistav dævdá. Dárkustallamájgge bierri liehket gaskan 1-3 vahko. Gå guhkep ájge badjel dárkustalá, de vuojná máná máhtukvuodav ja dav majt mánná dahká.

Dárkustaládijn máhtá mánáv måvtåstuhttet, dajn suorgijn masi mánná ij la rat hárjjánam jali majna rahtjá, váj oattjo gåvåv máná åvddånimes. Ræjdo majt dárkustaládijn aná, vierttiji máná álldarij hiehpat – buojkuvissan mánáj bassti ja gáffil, unnep mánájda girje garrasap árkaj, budáldime hiebaduvvam iesj guhtik álldarij ja nav ájn.