Statpeda ulmmegåvådus 2012-2016

St. died. nr. 18 gåvvit Statpeda nuppástuhttemav. Ájnas vuolggasadje diedádussaj le Midtlyng-nammadusá oajvvadus. Nammadusá mandáhtta lij guoradallat gåktu máhttá buoredit åhpadimfálaldagájt mánájda, nuorajda ja ållessjattugijda gudi sierralágásj viehkev ja dårjav dárbahi. Guovdásj ássjij gaskan lidjin gåktu dahkamusá ja barggojuohkem Statpeda åssudagáj ja pedogalasj-psykologalasj dievnastusá (PP-dievnastusá) gaskan juogeduvvin.

St. died. nr. 18 tjuovvol Midtlyng-nammadusá oajvvadusáv, gånnå Statpeda máhtudakguovdátja javllin dárbo le tjielgadit makkir bagádallamav ja dårjav Statped galggá ja bierri fállat, ja majt mánájgárdde, skåvllå ja PP-dievnastus ietja bierriji várajda válldet.

Gå suohkana ja fylkkasuohkana viehkev ádnu de dát álu guosská mánájda ja nuorajda gejn li moattelágásj dárbo avta bále. Åvddåla li suohkana ja fylkkasuohkana moadda guovdátjij guládallam bagádallama åvdås. Midtlyng-nammadusá mielas dát fálaldakstruktuvrra ittjij heva hieba várajda váldátjit mánájt ja nuorajt moattelágásj dárboj. Navti vuojnijma dárbov Statpedav nuppástuhttet váj ållit ålleslasj giehtadallamij ja tjoahkkidum dievnastusfálaldahkaj.

Statpeda nuppástuhttema vuolggasadje máhttá gåvviduvvat dáj dárboj:

• suohkana ja fylkkasuohkana galggi avtaárvvusattjat bessat Statpeda dievnastusájda («lagábun»)
• tjielggasappot diehtet gudi li Statpeda addne
• tjielggasap strategija gåktu galggá sierramáhtov åvddånahttet ja ávkástallat
• tjielggasap vuorddemusá Statpedaj goalmát linja dievnastussan
• tjielggasap profijlla addnijda ja barggijda

Midtlyng-nammadusá bargo jårkan bådij St. died. 18, Gånnå mierreduváj gåktu Statpeda galggá nuppástuvvat 2016 rádjáj. Statped galggá St. died. 18 mærrádusájt tjuovvot. Dav dahkap duola dagu dán ulmmegåvådusá signálaj baktu.