Bálvalusat fállojuvvojit mánáidgárdelága ja oahpahuslága vuođul. Bálvalusat rávisolbmuide addojuvvojit oahpahuslága § 4A-2 vuođul.
Statped bálvalusat eai leat lágas geatnegahttejuvvon bálvalusat, muhto dat leat fálaldagat mat addojuvvojit doarjjan fálaldagaide maid suohkan ja fylkkasuohkan addá.
Sámi earenoamášpedagogalaš doarjja (SEAD)
SEAD lea riikkaviidosaš ovddasvástideaddji láhčit bálvalusaid sámi geavaheddjiide. SEAD fállá bálvalusaid sihke indiviida- ja vuogádatdásis davvisámegillii, julevsámegillii, lullisámegillii ja dárogillii Statpeda fágasurggiin.
Bálvalusaid vuođđun lea máhtolašvuohta sámegielas ja kultuvrras ovttas earenoamášpedagogalaš njunušgelbbolašvuođain.
SEAD ovddida sámegielat earenoamášpedagogalaš oahpponeavvuid ja kártenmateriálaid ja bagadallá movt daid galgá geavahit.