Barggat go PP–bálvalusas?
Bálvalusaid galgá ohcat ohcanskoviin mii sáddejuvvo dan regiovdnii gosa ohcansuohkan dahje fylkkasuohkan gullá.
Ollesáigge- ja oasseáiggeoahpahusaid ohcan sáddejuvvo Statped váldokantuvrii. Ohcanskovi gávnnat olgeš ravddas dahje statped.no/soknad.
Čuovvovaččat galget vuolláičállit ohcamuša mii guoská indiviidavuđot bálvalusaide:
- váhnemat, áittardeaddji dahje ohcci ieš, jus son lea badjel 15 jagi ja sus lea miehtangelbbolašvuohta
- PP- bálvalusa jođiheaddji
- olmmoš geas lea hálddahuslaš ja ekonomalaš ovddasvástádus suohkanis dahje fylkkasuohkanis
Olmmoš geas lea hálddahuslaš ja ekonomalaš ovddasvástádus guoskevaš suohkanis dahje fylkkasuohkanis, galgá vuolláičállit ohcamuša mii guoská vuogádatvuđot bálvalusaide suohkaniidda dahje fylkka-suohkaniidda.
Barggat go mánáidgárddis, skuvllas dahje rávisolbmuidoahpahusas?
Mánáidgárddiide, skuvllaide ja rávisolbmuidoahpahussii sáhttá leat áigeguovdil árvvoštallat sihke indiviida-ja vuogádatvuđot bálvalusaid. Jus lea dárbu Statped fálaldagaide, váldde oktavuođa iežat báikkálaš PP- bálvalusain.
Barggat go dearvvašvuođasuorggis?
Dearvvašvuođaásahusa čujuhus dahje sáddenbáhpirat galget sáddejuvvot dan Statped-regiovdnii gos bálvalusaid dárbbašeaddji orru.
Dearvvašvuođaásahusa čujuhus dahje sáddenbáhpirat sáhttet guoskat dakkár surggiide maiguin lea ráhkaduvvon šiehtadus dan hárrái ahte Statped galgá fállat bálvalusaid. Diekkár oktavuođas ii leat dárbu geavahit Statped ohcanskovi. Diekkár sáddenbáhpirat meannuduvvojit indiviidavuđot bálvalusaid ohcamuššan.