20 gyhtjelassh gïelemaehtelesvoeti bïjre

20 gyhtjelassh varke jïh jaahkods goerehtimmie maanaj jïh noeri gïelemaehtelesvoetijste. Vaasa medtie 10 minudth goerem dievhtedh fïerhten maanese/learoehkasse. Dan åvteste varke gåarede gaajhkh maanah skuvlesne jïh gaajhkh maanah minngemes jaepien maanagïertesne goerehtidh. Goerehtimmie 20 gyhtjelassh dan åvteste hijven våaromem vadta maanah gaavnedh mah vielie gïelesalkehtimmiem daarpesjieh.  

Vihkele aajkoe daejnie gihtjemegoerine lea dan åvteste faagealmetjidie
åenehks læstoem jiehtiegijstie vedtedh mah maehtieh viehkiehtidh maanaj gïelemaehtelesvoeth buerkiestidh aalteredåehkesne 5 – 16 jaepieh.

Goerehtimmie 20 gyhtjelassigujmie maanagïertese jïh skuvlese stoerre jearsoesvoetem vadta, dah maanah jïh learohkh mah eah vihties dåeriesmoerh utnieh goeren mietie, eah gïeletsagkesh utnieh. 

Maahta daamtaj geerve årrodh gïeletsagkesh vueptiestidh jïh gellie maanah jïh noerh eah dam viehkiem åadtjoeh mejtie daarpesjieh åvtelen ååpsen guhkiem vaaseme. 20 gyhtjelassh leah vihkeles dïrrege gïeletsagkesh aareh vueptiestidh jïh viehkiehtieh kvaliteetem tjirkedh dehtie dïedteste maam maanagïerte jïh skuvle gaajhki maanaj jïh learohki åvteste utnieh.