Daajehtselïereme – Bïhkedimmie strukturelle daajehtselïeremen bïjre maanide jïh learoehkidie

Bïhkedimmie, guktie maahta systeemen mietie barkedh daajehtselïereminie, dovne maanagïertesne jïh skuvlesne.

Saemiedigkie lea beetnehvierhtiejgujmie dåårjeme. 

Bïhkedimmesne tjïelkeste guktie maahta systeemen mietie barkedh daajehtselïereminie, dovne maanagïertesne jïh skuvlesne.

Voestes bielie daehtie bïhkedimmeste teorijen våaroeminie båata gïelen jïh daajehtsi bïjre. Dan mænngan mubpie bielie åehpiedehtiemistie båata Gïelevierhkiesijjesne. Juktie effektem lïeremistie mööledh, lea daerpies bïevnesh utnedh dan bïjre maam learohke meehti åvtelen Gïelevierhkiesijjie eelki, jïh maam learohke maahta mænngan dejnie galhkeme. Gåalmede bielesne dan åvteste goerehtallemegoere jïh bïhkedimmie dïsse.

Vuekie Bloomen jïh Laheyen (1978) gïelemaallem våaroeminie åtna. Vuekesne edtja barkedh daej golme bieliejgujmie: Sisvege, hammoe jïh åtnoe.

Tjirrehtimmie:

• Ööhpehtimmieboelhke vaasa medtie 30 min.
• Man jïjnje: 3-5 boelhkh fïerhten våhkoen, vaasa 7-8 våhkoeh.
• Dåehkiestoeredahke: 3-5 maanah.
• Akte baakoe fïerhtene boelhkesne.

Gïelevierhkiesijjie edtja areenine årrodh gusnie maanah/noerh leah gïeleldh åejvieaktöörh. Pedagoge edtja bïhkedæjja jïh modelline årrodh.

Gïelevierhkiesijjien sjïekenisnie haestebe eejhtegigujmie laavenjostedh, guktie hïejme dej seamma daajehtsigujmie barka goh maanagiertesne/skuvlesne. Mijjieh haestebe pedagogem loggem tjaeledh tjirrehtimmesne.

Gosse lea veeljemen bïjre daajehtsijstie, bïhkedimmesne vuesiehtimmieh daajehtsidie, mah ovmessie aaltaridie jïh daltesidie sjiehtieh. Gosse veeljie mej daajehtsigujmie edtja barkedh, mijjieh haestebe pedagoge daajehtsh veeljie mah leah sjyöhtehke teemaj/faagi bïjre.

Mijjieh juvnehtibie pedagoge joekehts learoevierhtieh jïh dïrregh nuhtjie goh dåarjoe ööhpehtimmesne. Bïhkedimmesne jienebh raeriestimmieh guktie maahta daejnie barkedh