Raerieh learohkesoptsestallemasse gahkestimmien bïjre: Lohkehtæjjide learohkigujmie mah gahkestieh, dle hijven govlesadteme lohkehtæjjan jïh learohken gaskem vihkele. Daennie gærjatjisnie tjïelke gyhtjelassh mejtie lohkehtæjja maahta learohkesoptsestallemisnie nuhtjedh, jïh aaj raeriestimmie akten gihtjehtimmiegoerese.
Bïevnesegærjetje gahkestimmien bïjre skuvlesne: Daennie gærjatjisnie bïevnesh gaavnh gahkestimmien govloes jïh tjeakoes bieliej bïjre mah sjiehtieh learoehkidie skuvleaaltarisnie. Lissine, dle aaj gaavnh nuhteligs raerieh lohkehtæjjide, logopeedide jïh eejhtegidie.

Learohkh:

Guktie gahkestimmiem klaassese åehpiedehtedh? Bïevnesh gahkestimmien bïjre maahta lissiehtamme jååhkesjimmiem jïh goerkesem sjugniedidh. Åehpiedehteme klaassese lea aelhkie jïh radtjoes vuekie daajroem gahkestimmien bïjre vedtedh meatanlearoehkidie. Daesnie bïevnesh gaavnh guktie jïh mannasinie åehpiedehteme maahta aelhkieslaakan jïh radtjoeslaakan daajroem gahkestimmien bïjre buektedh meatanlearoehkidie. Maahta maallem åehpiedehtiemasse needteste veedtjedh.

Mov gahkestimmiegærja: Jïjtse gahkestimmiegærjam utnedh maahta hijven vuekie årrodh bïevnesh jïjtjen bïjre jïh gahkestimmien bïjre tjöönghkedh. Dam maahta logopeedeles dåarjoehtimmine nuhtjedh, jïh klaassese, voelpide jïh fualhkan vuesiehtidh.

Gahkestimmiesaernieh! Gahkestimmiesaernieh! lea plaerie gahkestimmien bïjre mij skuvlemaanide dorjesovveme. Daesnie gaskem jeatjah gaavnh rïektesh jïh mytah gahkestimmien bïjre, bijjieguvvie åehpies almetjijstie mah gahkestieh, gahkestimmiequize jïh hijven raerieh.

Nïejte mij gahkeste: Daennie bïhkedimmesne Mia-ine åahpenh jïh guktie dïhte gahkestimmiem dååjroe. Datne aaj lissiebïevnesh logopeedeles dåarjoehtimmien bïjre gaavnh.

Bïevnesefilme learoehkidie maam maahta nuhtjedh juktie bïevnesh klaassese jïh logopeedetæjmojne vedtedh.

Gahkestimmien bïjre skuvlesne

Sjyöhtehke vierhtieh