Mahkkulibme skåvlån

Dánna gávna diedojt ja åhpadusresurssajt mahkkulime birra mij gullu ja mij la tjiegadum.

Åhpadiddjijda, æjgádijda, logopedajda ja skåvllåoahppijda.  

Åhpadiddjijda, æjgádijda ja logopedajda:

• Dunji gænna l oahppe guhti mahkkul: Sjiebmá vaddá åhpadiddjáj ræjdov gåktu álkket kárttit oahppe guládallam- ja ságastallammáhtukvuodav skåvlån. Diedo vaddi buorre álgov åhpadiddje ja logopeda aktisasjbargguj. 
• Diehtogirjásj mahkkulime birra skåvlån: Dán girjátjin gávna diedojt mahkkulime birra mij gullu ja mij la tjiegadum skåvllåoahppijda. Duodden dasi li ávkálasj tsuojggidusá åhpadiddjijda, logopedajda ja æjgádijda. 

Oahppijda: 

• Gåktu åvddånbuktet mahkkulime birra klássaj? Diehtojuohkem mahkkulime birra  máhttá buktet ienep dåhkkidimev ja dádjadusáv. Åvddånbuktem klássaj le álkkes ja dåbmaris vuohke diedojt juohket ietjá oahppijda. Dánna gávna diedojt gåktu ja manen åvddånbuktem máhttá liehket álkkes ja dåbmaris vuohke diedojt juohket mahkkulime birra ietjá oahppijda. Power-Point åvddånbuktemij máhtá viedtjat. 

• Muv mahkkulimgirjje: Persåvnålasj mahkkulimgirjje máhttá liehket buorre vuohke tjoahkkit diedojt ietjas ja ietjas mahkkulime birra. Dav máhtá adnet logopedalasj tjuovvolimen ja vuosedit klássaj, rádnajda ja familljaj. 

• Mahkkulimådåsa! Mahkkulimådåsa! La avijssa mahkkulime birra mij la sierraláhkáj skåvllåmánájda dagádum! Dáppe gávna duola degu fáktadiedojt ja jahtojt mahkkulime birra, gåvvå dåbdos ulmutjijs gudi mahkkuli, mahkkulimquiza ja buorre bagádallama. 
• Nejtsusj gut mahkkul: Dán bagádusán iejvvip Májjáv ja suv vásádusájt mahkkulime birra. Dáppen li ai lassediedo mij logopedalasj tjuovvolibme mahkkulime hárráj máhttá liehket.