Foniebmgæhttjalibme julevsámegiellaj
Foniebmgæhttjalibme julevsámegiellaj guoradallá máná jiednadimvuogádagáv. Gæhttjalimev máhttá tjadádit mánáj gudi bágojt ietjáláhkáj jiednadi, ållessjattuga hållamnårma milta, jali jus ietján aj sihtá máná jiednadimev tjielgadit.
Foniebmgæhttjalibme julevsámegiellaj
Gæhttjalibme máhttá jådeduvvat logopedajs, sierrapedagåvgåjs jali iehtjádijs gudi dárbahi mánáj jiednadimijt guoradallat. Gæhttjalibme ávttjiduvvá aneduvvat nieljejagágijda, valla máhttá aj nuorap mánájda aneduvvat.
Foniebmagæhttjalime ulmme l gávnadit makkir jiednadimijt mánná jiednat ja/jali álkket álkkedimprosessaj baktu. Dan vuodon máhttá gávnadit jus mánán li jiednadimgássjelisvuoda ja biedjat dåjmajt jåhtuj.
Foniebmagæhttjalimen julevsámegiellaj li guokta oase: Gåvvågirjje ja mierkkimsjiebmá prosæssaanalijsajn. Guoradaládahttijn aneduvvá Gåvvågirjje ja Mierkkimsjiebmá, ja dålkkudijn vas Prosæssaanalijssa.
Mánnáj vuoseduvvá gåvvågirjen akta gåvvå ájgen. Dan båttå gå mánná gåvåjt nammat, tjáles guoradallamjådediddje gåktu mánná javllá bágojt transskribierima baktu. Dasi duodden máhttá tjálestit jus li makkirak mierkkidusá máná jiednadimen ja jus mánná oadtju viehkev gålmå vuoge milta. Mihtto l mánná javllá ulmmebágov.
Prosæssaanalijsan li tabella ma iesjguhtiklágásj álkkedimprosessajt guoradalli. Analijsan galggá álgon máná javllamusájt dievddet, ma li mierkkimsjiemán, tabellajda. Gå la divna bágojt dævddám tabellajda, de galggá gæhttjat galle bágon prosæssa aneduvvá bágo álgon, guovddelin ja låhpan. Jus mánná álkkedimprosessav adná unnemusát 3-5 bágon gæhttjalime prosæssaanalijsan, de sån adná prosessav aktijvalattjat.
Ávttjiduvvá bæjválattjat máná gielav dárkestit ja gulldalit, duodden gæhttjalimguoradallamij. Dalloj máhttá bæjválasj jiednadimijt buohtastahttet gæhttjalimbåhtusij, ja båhtusa nanniduvvi.
Ienep diedo foniebmagæhttjalime birra gávnnuji bagádallamgirjátjin nuorttasámegiellaj.
Sámedigge la rudálattjat prosjevtav doarjjum.
Relaterte ressurser
20 gatjálvisá giellatjehpudagáj birra
Guoradallamvædtsak mihttit mánáj ja nuoraj giellatjehpudagájt, gåktu sij gåvosvuogádagájt háldadi ja gåktu sijá aktijvuoda iehtj�dij …
Sámegiela impresijvva morfologijjalasj gæhttjalibme (SIM)
Åtsådimrejdujn SIM máhtá åtsådit gåktu sámegielakmáná visses giellaåhpalasj hámijt dádjadi.
Samiskspråklig dukke
En samisk dukke som har flere ulike lyder, ord og sanger som passer fint i barns lek.