Foniebmgæhttjalibme
Foniebmgæhttjalibme guoradallá máná jiednadimvuogádagáv. Gæhttjalimev máhttá tjadádit mánáj gudi bágojt ietjáláhkáj jiednadi, ållessjattuga hållamnårma milta, jali jus ietján aj sihtá máná jiednadimev tjielgadit.
Ienep diehto resursa birra
Foniebmagæhttjalime ulmme l gávnadit makkir jiednadimijt mánná jiednat ja/jali álkket álkkedimprosessaj baktu. Dan vuodon máhttá gávnadit jus mánán li jiednadimgássjelisvuoda ja biedjat dåjmajt jåhtuj.
Sámedigge la rudálattjat prosjevtav doarjjum.
Gæhttjalibme máhttá jådeduvvat logopedajs, sierrapedagåvgåjs jali iehtjádijs gudi dárbahi mánáj jiednadimijt guoradallat. Gæhttjalibme ávttjiduvvá aneduvvat nieljejagágijda, valla máhttá aj nuorap mánájda aneduvvat.
Foniebmagæhttjalimen julevsámegiellaj li guokta oase: Gåvvågirjje ja mierkkimsjiebmá prosæssaanalijsajn. Guoradaládahttijn aneduvvá Gåvvågirjje ja Mierkkimsjiebmá, ja dålkkudijn vas Prosæssaanalijssa.
Mánnáj vuoseduvvá gåvvågirjen akta gåvvå ájgen. Dan båttå gå mánná gåvåjt nammat, tjáles guoradallamjådediddje gåktu mánná javllá bágojt transskribierima baktu. Dasi duodden máhttá tjálestit jus li makkirak mierkkidusá máná jiednadimen ja jus mánná oadtju viehkev gålmå vuoge milta. Mihtto l mánná javllá ulmmebágov.
Guoskadahtedum resursa
20 gatjálvisá giellatjehpudagáj birra
Guoradallamvædtsak mihttit mánáj ja nuoraj giellatjehpudagájt, gåktu sij gåvosvuogádagájt háldadi ja gåktu sijá aktijvuoda iehtjádij li.
Sámegiela impresijvva morfologijjalasj gæhttjalibme (SIM)
Åtsådimrejdujn SIM máhtá åtsådit gåktu sámegielakmáná visses giellaåhpalasj hámijt dádjadi.
Báhkodádjadus
Báhkodádjadus máhttá liehket ávkken gå dárbaha diehtet makkir bágoj/moallánagáj la ájnas vijdábut barggat sihki mánájgárden ja skåvlån.