Báhkodádjadus
Báhkodádjadus máhttá liehket ávkken gå dárbaha diehtet makkir bágoj/moallánagáj la ájnas vijdábut barggat sihki mánájgárden ja skåvlån.
Báhkodádjadus
Guoradallam, maŋemus jahkáj mánájgárden ja vuostasj jahkáj skåvlån
Ådå dutkam vuoset máná gudi vuodulasj bágojt/moallánagájt fájlluji, soajtti vájvástuvvat gå skåvllåj álggi. Dát vædtsak galggá liehket viehkkenævvon maŋemus jahkáj mánájgárden ja vuostasj jahkáj skåvlån.
Váj máná galggi dádjadit væráldav iehtjasij birra de dárbahi bágojt ja moallánagájt maj baktu ájádalli. Dájt bágojt/moallánagájt oahppi dåbdudagáj baktu ja gå åtsådallamis gå ådå dilijt vásedi. Danen la ájnas mánájn la aktijvuohta ållessjattugij ja ludtjusattjaj.
Sihke mánájgárden ja skåvlån luluj buorre smávep juohkusij gå guoradallá, 5-10 máná la hiebalgis. Vuogas la aj jus 2 ållessjattuga libá fáron, akta jådet guoradallamav, madi nubbe dárkustallá ja doarjju (degu mánájt viehket riekta dahkamusáv gávnnát). Dát sjaddá vihpat birrusij 20-30 minuhta.
Gålmmå vuostasj dahkamusá li hárjjidallamdahkamusá, ja ájnas la aston hárjjidallamdahkamusájt tjadádit. Návti máná dåbddi jasska li dahkamusáj.
Álge guoradallamav návti “Dála vuojná dahkamusájt, galga dieddelit dav gåvåv mij duv mielas årru riekta/duolla”. Ane máná bæjválasj gielav nav ålov gå ber máhtá bagádaládijn. Juohkka dahkamusán tjuodtju nummar ja kategorijja. Dá li viehkken skårimin ja e galga lågåduvvat.
Hadde, almodiddje
Sjiebmá l nåvkå sáme institusjåvnåjda (rája e-påstav @spesialpedagog.no gå institusjåvnnåj diŋŋgu). Jahkásasj lisænssagålo portála adnuj.
Sáme sierrapedagogalasj doarjja (SEAD) ja Info Vest Forlag.
Relaterte ressurser
Bo Ege – Gielalasj guoradallam
Gielalasj guoradallam la álkkes guoradallam gånnå máná dåjmalasj báhkovalljudahka guoradaláduvvá.
Sámegiela impresijvva morfologijjalasj gæhttjalibme (SIM)
Åtsådimrejdujn SIM máhtá åtsådit gåktu sámegielakmáná visses giellaåhpalasj hámijt dádjadi.
Buojkuldakoahppam – Bagádus strukturieriduvvam buojkuldakoahppama birra mánájda ja oahppijda
Bagádusán tjielggiduvvá gåktu máhttá systemáhtalattjat buojkuldakoahppamijn barggat sihke mánájgárden ja skåvlån.