Åarjelsaemien foneemeteeste

Åarjelsaemien foneemeteeste maanan gïeletjoejh öörnegen mietie goerehte. Åarjelsaemien foneemeteeste edtja viehkine årrodh logopedide, sjïerepedagogide jïh jeatjebh mah dïrregh darpesjieh maanaj gïelh vuarjasjidh.

Saemiedigkie lea beetnehvierhtiejgujmie dåårjeme. 

Åarjelsaemien foneemeteeste edtja viehkine årrodh logopedide, sjïerepedagogide jïh jeatjebh mah dïrregh darpesjieh maanaj gïelh vuarjasjidh. Maahta teestem daam nuhtjedh maanan 4. aalteristie, men gåarede aaj nuhtjedh nuerebh maanide.

Åarjelsaemien foneemeteeste utnieh guvviegærja jïh heefte gusnie edtja prosesside analyseradidh.

Maana edtja jiehtedh maam guvvide satne guvviegærjesne vuajna. Jis maanan leah dåeriesmoerh baakoem guvvesne jiehtedh, teesteåejvie byöroe maanam viehkiehtidh baakoem gaavnedh. Jis maana ij jïjtje maehtieh baakoem gaavnh, dellie teesteåejvie dam jeahta jïh stillie maanam dam baakoem mubpesth jiehtedh.

Goeresne teesteåejvie tjaala mah baakoeh maana jeahta. Jis maana aktem baakoem båajhtoehlaakan jeahta, dellie teesteåejvie baakoem tjaala naemhtie guktie maana dam jeahta dan sæjjan goeresne gusnie tjåådtje «maana jeahta». Jeatjah aath maahta tjaeledh «mïerhkesjimmen» nualan.

Prosesse- analyseeredimmesne leah goerh mah ovmessie aelhkiehtimmieprosessh goerehtalla. Voestegh edtja baakojde bæjjese tjaeledh naemhtie guktie maana dam jeahta. Mænngan baakojde goeresne leah tjaaleme, dellie edtja ryöknedh man gellie baakoeh prosessine nuhtjie; aalkovisnie jïh gaskoeh.