Bo Ege – Gïeleldh Teestese

Screeninge-goerehtimmie.

Dah goerh leah namhtah saemiej institusjovnide (seedth e-påastem diekie gosse institusjovnem tseegkh: [email protected]). Tjoerh lisensem maeksedh fïerhten jaepien åtnoen åvteste portaaleste.

Saemen sjïerepedagogeles dåarjoe (SEAD) jïh Info Vest Forlag.

Maanagïertesne jïh skuvlesne.

Gosse gïeleteestem tjïrrehte byöroe oktegh maanine tjahkasjidh jïh hijven astoem utnedh. Maana edtja guvvide vuartasjidh jïh dejtie lahtestehtedh. Sjïerepedagoge don vaastoealternatijvese deadtah mij bööremeslaakan sjeahta dejnie baakojne maana guvvien bïjre nuhtjie. Mubpie guvvie sjeermese jæjhta gosse evtebem guvviem vaestiedamme. Guvvieh akti akti maanese vååjnoeh jïh dellie gihtjie: «Mij dïhte?».

Vuarjasjimmie maanan vaestiedasseste lea joekoen aelhkie. Vaestiedassh juakasuvvieh 3 dåehkide: Bijjiebaakoetjïerte, Iemiebaakoetjïerte, Vueliebaakoetjïerte.

Jis maana ij aktem guvviem lahtestehtieh, 0 poengem åådtje. Maana sæjhta åajvahkommes dejtie baakoetjïertide nuhtjedh mah vuarjasjimmietabellesne tjåadtjoeh. Jis akte jallh jienebh maanan vaestiedassijste eah leah meatan daejnie baakoetjïertine dellie lea sjïerepedagogen dïedte vaestiedassem bïejedh don akten dåahkan daejstie golme dåehkijste mïsse sov gïelegoerkesen mietie tuhtjie dïhte govlesåvva, aaj gosse smaaregïelem krööhkeste.

Gosse maanaj bïjre aktine jeatjah ietniengieline goh nöörjen tjuara vuarjasjimmiem darjodh nöörjen nåårmi mietie, jis ij leah maehteles toelhke stïeresne teestesne.