IPCA- goerehtallemedïrrege almetjidie stoerre gaskesadtemetsagkesigujmi
IPCA lea goerehtallemedïrrege mij uvtemes lea almetjidie mah kråahpeles, åvtegïeleldh buektemevuekieh utnieh goh jïjtjereerije buektemevuekieh.
IPCA
Goerehtallemedïrrege almetjidie stoerre gaskesadtemetsagkesigujmi
Inventory of Potential Communicative Acts (IPCA) dovne maanide, noeride jïh geerve almetjidie sjeahta aareh evtiedimmiedaltesinie. Dïhte bijjieguvviem vadta almetjen joekehts gaskesadtemevuekiej bijjeli. Dagkeres goerehtalleme maahta voerkesvoetem almetjen joekehts buektemevuekiej bijjeli lissiehtidh, jïh dan bïjre mij jeahtasåvva. Dïhte maahta aktem vielie seammalaakan toelhkestimmiem jïh vaastahtahkem vedtedh lïhkes almetjijstie, naakede mij maahta viehkiehtidh buektemevuekide almetjen luvnie dibrehtidh.
Maahta aaj sjiehteles årrodh almetjh goerehtalledh mah guarkoeh jïh dagke jïjtjh såemies baakoeh jallh jeatjah symbovlen buektemevuekieh nuhtjieh.
Goeresne 53 gyhtjelassh joekedamme 10 kategorijide, öörnedamme dan funksjovnen mietie fïereguhte buektemevuekie åtna.
- Sosijaale konvensjovnh
- Tsåatskelesvoetem åadtjodh
- Pruskiehtidh/gïrredh
- Man akt bïjre birredh
- Dahkoen bïjre birredh
- Bïevnesi bïjre birredh
- Lahtestidh
- Veeljemh darjodh
- Vaestiedidh
- Heeredh
Ij leah byjjes krïevenassh, men dïhte gie edtja materijellem nuhtjedh lea byöreme damtedh dam almetjem gïem edtja goerehtalledh, unnemes 6 askh. Maahta sjyöhtehke årrodh lohkehtæjjide, PP-raeriestæjjide, psykologide, logopedide, vaarjelimmiesåjhteridie, fysioterapeevtide, ergoterapeevtide jïh eejhtegidie. Maahta læjhkan aevhkine årrodh dïhte gie dievhtemem tjïrrehte, dååjrehtimmiem jïh goerkesem åtna åvtegïeleldh gaskesadtemen bïjre.
Relaterte ressurser
Mov maana aalka rætnoe soptsestidh? Aellieh vuertieh vuejnieh!
Daennie tjaalegisnie bïevnesh åadtjoeh mij alternatijve jïh suppleereden kommunikasjovne (ASK) lea, man åvteste vihkele jïh guktie maahtah …
EYMSC – gïehtjemelæstoe
Early Years Movement Skills Checklist (EYMSC) lea motorihken gïehtjemelæstoe.
Daajehtselïereme – Bïhkedimmie strukturelle daajehtselïeremen bïjre maanide jïh learoehkidie
Bïhkedimmesne tjïelkeste guktie maahta systeemen mietie barkedh daajehtselïereminie, dovne maanagïertesne jïh skuvlesne.