Naemhtie sïjhtem edtja skuvlesne jïh Skuvlen eejehtimmie-öörnegisnie årrodh
Dåarjoematerijaale guktie almetjidie joekehts daerpiesvoetigujmie soptsestidh, guktie dah sijhtieh edtja skuvlesne jïh Skuvlen eejehtimmie-öörnegisnie årrodh.
Naemtie sïjhtem edtja årrodh
Naemhtie sïjhtem edtja årrodh lea dåarjoematerijaale guktie soptsestalledh, viehkine jiehtiegijstie symbovligujmie, sjïere aamhtesen jallh tsiehkiej bïjre, mejtie gellie almetjh sijjen aarkebiejjien dååjroeh.
Gellide almetjidie aelhkebe mïelem utnedh vihties jiehtiegidie, goh frijjelaakan daerpiesvoeti jïh vaajtelimmiej bïjre soptsestidh. Naemhtie sïjhtem edtja årrodh lea dåarjoematerijaale soptsestæmman, jiehtegigujmie guvviejgujmie ektine mah lissie bïevnesh sisvegen bïjre vedtieh dennie vihties jiehtiegisnie.
Daate materijaale edtja dåarjojne soptsestimmesne årrodh almetjigujmie mej joekehts nevrologeles tsiehkieh goh autisme, asperger syndrome, ADHD, DLD jallh Tourette syndrome. Maahta aaj nuhteligs årrodh jeatjabidie joekehts daerpiesvoetigujmie.
Materijaale lea joekehts suerkiej sïjse juakasovveme mah leah vihkeles gosse edtja mubpiej voerkesvoetem lissiehtidh akten persovnen sensitiviteeten jïh sjïere daerpiesvoeten bïjre, guktie daajra mij sjugniehtåvva dejnie ovmessie areenine satne biejjieladtje dååjroe. Daate maahta vielie jearsoesvoetem, tryjjem jïh raeffiem vedtedh, jïh aelhkebe sjædta aarkebiejjiem, sertiestimmieh, ïedtjesuerkieh jïh heannadimmieh gïetedidh.
Naemhtie sïjhtem edtja skuvlesne årrodh lea joekehts soptsestimmie-aamhtesidie juakasovveme:
- Soejkesjimmie, öörnedimmie, jïh skuvlebarkoem illedh.
- Bïhkedimmie jïh bïevnesh
- Gaskesadteme jïh ektiedimmie
- Vuesiehtidh maam maahtam
- Energije jïh raessie
- Fysiske barkoebyjrese
Naemhtie sïjhtem edtja skuvlen eejehtimmie-öörnegisnie
årrodh lea joekehts soptsestimme-aamhtesidie juekeme:
- Soejkesjimmie, tjirrehtimmie, jïh guktie darjomh aelkedh
- Gaskesadteme jïh ektiedimmie
- Energije jïh raessie
- Fysiske byjrese
- Aeredsbeapmoe jïh lunsje
- Almetje gie materijaalem nuhtjie, byöroe jearsoes jïh hijven ektiedimmiem utnedh almetjinie mejnie soptseste, jïh byöroe aaj hijven daajroem almetjen gaskesadteme- jïh ektiedahkoehammoen bïjre utnedh.
- Byöroe materijaalem göökte boelhkine juekedh, guktie dej joekehts areenaj bïjre soptseste, skuvle jïh skuvlen eejehtimmie-öörnege, fïereguhtene haeresne.
- Maahta dam goerem nuhtjedh væhtaj bïjre almetjinie soptsestidh, dïhte maahta jïjtje lohkedh jïh kroessem bïejedh, væhtaj jallh guvviej bïjre soptsestidh mah åejviesisvegem jiehtiegisnie dåarjoeh. Edtja vuekiem almetjen gaskesadtemehammose jïh daerpiesvoetese sjïehtedidh.
Sjyöhtehke vierhtieh
Ïedtjegoerehtallemegoere – lïeremen jïh tråjjen gaavhtan
Goerehtallemegoere juktie hijven darjomh lïeremasse jïh tråjjese maanide jïh noeride gaavnedh.
IPCA- goerehtallemedïrrege almetjidie stoerre gaskesadtemetsagkesigujmi
IPCA lea goerehtallemedïrrege mij uvtemes lea almetjidie mah kråahpeles, åvtegïeleldh buektemevuekieh utnieh goh jïjtjereerije …
Guktie struktuvrem jïh veanhtadihksvoetem sjugniedidh?
Elever med autisme, ADHD og Tourettes syndrom kan ha utfordringer med planlegging, problemløsning og selvregulering.