Riekknimmáhtto gæhttjalibme

Buktet riekknit nieljijn riekknimslájajn le guovdátjin ienemus åsijn matematihkkasuorgijn. Riekknim la aj vuodulasj tjehpudahka divna fágajn skåvlån ja ájnas oasse árggabiejves. Riekknimmáhtto gæhttjalibme máhttá aneduvvat merustalátjit man dåbmarit oahppe riekknimmáhtto-dahkamusájt tjoavddi. Dav máhtá adnet sihke juohkusijn ja ájnegis oahppe åtsådijn.

Nasjonalt lesesenter. Sisanov julevsámegiellaj hiebadam Sáme sierrapedagogalasj doarjja (SEAD).

Gæhttjalibme l nåvkå sámegielajda.

Skåvlå 2.-10. jahkedásijda

Riekknimmáhtto gæhttjalime moattedimoriginála aktan bagádusájn åhpadiddjijda ja oahppijda gåktu tjadádit, la girjátja maŋŋegietjen.

Riekknimmáhtto gæhttjalibme dagáduváj Stavanger-prosjevta aktijvuodan. Gæhttjaluváj 3375 oahppij ålles lándas åvddål dutkamprosjevtan adnuj váldeduváj. Gæhttjalibme l normieriduvvam ja standardisieriduvvam dárogiellaj skåvlå 2.-10. jahkedásijda.

Galgav gus oahppijda gesisik girjátjav juohket?
I galga. Riekknimmáhtto gæhttjalibme l girjásj åhpadiddjáj gånnå máhtá kopierit árkajt majt oahppijda vattá.

Viertti gus dahkamusájt maŋŋálakkoj tjadádit?
Dahkamusáj årnikvuorro l snivva árvustaládum. Jus oahppe ij la gájkka automahtisierim, de soajtti muhtem dahkamusá gássjelappo gå ietjá dahkamusá.

Jus oahppe tjoavddi dajt dahkamusájt majt ietja sihti ja ma li sidjij “álkemusá”, de máhttá åhpadiddje biehteduvvat. Dan láhkáj máhttá sjaddat boasto diehto máhtudagás ja automatiseremis, ja i sjatta båhtusijt dålkkut daj nårmaj milta ma li biejaduvvam vuodon gæhttjalibmáj.

Danen ávttjiduvvá gæhttjalimev tjadádit dan årnikvuoron mij njuolgadusán boahtá åvddån. Ávttjiduvvá aj ålles girjátjav låhkåt åvddål gæhttjalimev adnegoadá.