Riekknimmáhtto gæhttjalibme
Riekknimmáhtto gæhttjalibme l vædtsak åtsådittjat dav oasev oahppe vuodulasj riekknimtjehpudagájs, mij la tjanáduvvam álkkes tállakombinasjåvnåj mujttemij.
Riekknimmáhtto gæhttjalibme
Matematihkkagæhttjalibme, skåvlå 2.-10. jahkedásijda
Buktet riekknit nieljijn riekknimslájajn le guovdátjin ienemus åsijn matematihkkasuorgijn. Riekknim la aj vuodulasj tjehpudahka divna fágajn skåvlån ja ájnas oasse árggabiejves. Riekknimmáhtto gæhttjalibme máhttá aneduvvat merustalátjit man dåbmarit oahppe riekknimmáhtto-dahkamusájt tjoavddi. Dav máhtá adnet sihke juohkusijn ja ájnegis oahppe åtsådijn.
Riekknimmáhtto gæhttjalime moattedimoriginála aktan bagádusájn åhpadiddjijda ja oahppijda gåktu tjadádit, la girjátja maŋŋegietjen.
Riekknimmáhtto gæhttjalibme dagáduváj Stavanger-prosjevta aktijvuodan. Gæhttjaluváj 3375 oahppij ålles lándas åvddål dutkamprosjevtan adnuj váldeduváj. Gæhttjalibme l normieriduvvam ja standardisieriduvvam dárogiellaj skåvlå 2.-10. jahkedásijda.
Gæhttjalibme l nåvkå sámegielajda.
Galgav gus oahppijda gesisik girjátjav juohket?
I galga. Riekknimmáhtto gæhttjalibme l girjásj åhpadiddjáj gånnå máhtá kopierit árkajt majt oahppijda vattá.
Viertti gus dahkamusájt maŋŋálakkoj tjadádit?
Dahkamusáj årnikvuorro l snivva árvustaládum. Jus oahppe ij la gájkka automahtisierim, de soajtti muhtem dahkamusá gássjelappo gå ietjá dahkamusá.
Jus oahppe tjoavddi dajt dahkamusájt majt ietja sihti ja ma li sidjij “álkemusá”, de máhttá åhpadiddje biehteduvvat. Dan láhkáj máhttá sjaddat boasto diehto máhtudagás ja automatiseremis, ja i sjatta båhtusijt dålkkut daj nårmaj milta ma li biejaduvvam vuodon gæhttjalibmáj.
Danen ávttjiduvvá gæhttjalimev tjadádit dan årnikvuoron mij njuolgadusán boahtá åvddån. Ávttjiduvvá aj ålles girjátjav låhkåt åvddål gæhttjalimev adnegoadá.
Nasjonalt lesesenter. Sisanov julevsámegiellaj hiebadam Sáme sierrapedagogalasj doarjja (SEAD).
Relaterte ressurser
Tjuorggat riekknit gæhttjalibme
Vuodulasj rekknimdádjadime árvustallam – matematihkkagæhttjalibme mánájdássáj.
Tállaálgadibme
Tállaálgadibme l dagádum guoradallamij 1. dásen, gávnnát oahppijt gudi dárbahi duodde hiebadimijt álgon matematihkka åhpadimen …
Matematihkka mánájgárden
Matematihkka mánájgárden la resurssaskálmmá ja galggá vuosedit buojkulvisájt ja måvtåstuhttet systemáhtalattjat barggat matematihkajn …